Make your own free website on Tripod.com

Taariikhda

Taariikhda Siyaasiyiinta
Home | Taariikhda Migaha | Taariikhda Dowladaha Somaliya | Taariikhda Gobolka Sanaag | Taariikhda Siyaasiyiinta | Taariikhda dadka muhiinka ah | Taakhiida Sports ka somalia | Taariikhda Qaadka | Taariikhda Abwanada | Taariikhda Fananad | Taariikhda Personal Computers

BY: Maxamed C/laahi Cali Tiriig
 
Somali Militiamen
 
 

·  Mohamad Farah Aidid

·  Adan C/lahi N. Gabyow

·  Osman Hassan Ali Atto

·  Col. Barre Hiiraale

·  Husien M. farah Aidid

·  Gen. Axmad Warsame

·  Ali Mahdi Mohamed

·  Hasan Muhammad Nur

·  Muuse Suudi Yalaxow

·  Ahmed Omar Jess

·  Abdullahi Yousuf Ahmed

·  Omar Haji Mohamed

·  Huseen Haji Boot

·  Mohamed Said Hirsi

·  Mohd Qanyare Afrah

wacan oo wanagsan waxaad ku soo dhawaataa qaybta aan ugu tala galay in aan wax kaaga qorano siyasiyiinta somaliyeed (Dagaal oogayaasha).
 
   Qarnigii 19 oo hatan dhamaday wuxu ahaa qariga qudha ee dowladaha aduunku is wada gaareen aya ka baxee gacamaha dadka shi sheeye haday noqoto gumaysi iyo haday noqoto baahi dhaqaleba waa Qarniga  cirka loo diray diyaradaha oo xitaa dayaxa  dad loo diray taas oo ku tusaysa in dunida dhamanateed ay wada kacday meel wayan gaadhay lakiin nasiibdaro Somalidu waxa qarnigaa qiimaha badna ka dhaxashay oo meel u yaal oo waang ahi ma jiran.
 
Biwogii qarniga waxay ku jiraan dhib iyo baqdin taas o ka timid gumaystihii waqtiga somaliya xukumayay oo kal haa Ingiriis, Talyaani, iyo Faransiis.
Markii laga baxay gcantii gumaystaha waxaa somalia laga filaayey in ay noqoto wadanka ugu sareeya Afrika lakiin ugu danbayntii waxay ku soo gabaagabawday xukun keligii tali yey ah iyo nacab dil iyo wixii lamid ah taas oo dhaantay maanta tay ku jiraan maanta Somali waxay ka mid tahay amaba tahay wadanak aduunka ugu liita, labada wax ee dowaldha aduunku ku shaqaystaanba Somalia kama shaqeeyaan Tan kooda Malaha wax dowlada ah oo sal iyo raad leh Tanalbad wax dhaqale ah malaha wax dad ah oo u rodayan malaha taas oo ga dhigtay meel aal la tirsan laguan tilmaam meel ay galaan Warabayaasho.
 
waa ku wee rabayaashu waa kuwa bur buriyey somaliya waa dadkii madaxda ka haa oo bilaabay qaskan iyo dhibtan ay ku jito maanta Somali.
 
Siyaasadu waa sil silada dolwada haday qaloocsantana lama toosin karo maxaa yeelay  mid kasto siyaasi ahai ama ha ahaado mucarad am araaciyee dowaldu wa ku dhisan tahay lakiin hadii ay hal dhinca u bataan way dhacdaa waxan kugu cadana ah Somaliya markii dowaladii Siyaad beri meel ay u ga soo wada jeesteen Siyasiyiintii la socan jiray waata maanta badaya dhismina wayday.
 
Dagaala naaguhu bilaaban iyo dagalaka siyasiga caqliga xumi bilaabo midna ma qaboobo sabtu tahay naagian waxay ku mintidaa sidii ay u guul gaari lahayd siayasina wuxuu ku mintidaa siduu keligii ku guul gaari lahaa.
 
haatan iyo dan maxaa u dan ah Somali Waxaay  ila taha wax qudha ee ay Somali ku hagagayso waa siyaasiyiinta oo la badalo oo lagu bedelo dhalin yaro sidii (SLY) dhalainyaradii qaday xornimada bal waxaad dib u raacda Sayidikii Sayd ku wuxu ahaa nin xornimada u dagalama oo shida galada lakiin dagalkii wax ma ku helay maya kumuu helininkastoo uu xarbiyey markii danbe daraawiishi way iska kal carareen wayana baabaeen . lakiin 15 kii wiil ee dhalain yarada ha ee qalinka iyo siyasada cusub ku dagalamayey maxa keenen waxay keena gobobnimo taas waxaad ku garnaysaa siyasadu makray duugowdo oo dadka wada wax ku keeni wayaan in ay uga tagan dadka soo korayao oo cilimiga cusub ku xoojinaya siyasada lakiin nin ruug cada ha oo salg jeer wax biyey oo sagal kalein u soo socda muxu kenyaa an ahana dhib iyo baaba.......  
 
 

Taariikhdi Muuse Suudi Yalaxow

Jan 9, 2005 Radio Free Somalia

Qeybti ( I )
Soomaaliya waxaa soo maray rag fara ku tiris ah oo ka tegay raad lagu xasuusto iyo qaar hadda nool oo ku mashquulsan taariikhdi ay ka tegi lahaayeen.

Ragga manta nool waxaa ugu cad cad ninka la yiraahdo Muuse Suudi Yalaxow. Waa nin ad-adag oo aan lagu aqoon been iyo cabsi, wuxuu ku caanbaxay ka dhabeynta ficil ahaaneed wixi uu ku hadlo.

Taariikhdu waa ay xusi dhacdooyinki badnaa uu dhigay ama sababtooda uu lahaa iyo tan uu manta ku mashquul sanyahay oo ah inuu dagaal weyn ka qarxo gobolka Banaadir. Dagaalkaas oo ujeedooyin badan xambaarsan.

Waa midda horee in lagu bara kiciyo, lana xasuuqo ummadda faraha badan ee masaakiinta ah ee kala gaari la’ baahidooda maalmeed, kuna hamminaaya ineey mar un helaan dowlad soo celisa nabadda, nidaamka, kala dambeeyn iyo adeegyadi aasaasiga ahaa.

Waa midda xigtee inuu dagaalku gaaro gobolka Shabeelaha Dhexe si ay u burburto Dowladdi lasoo foolinaayay muddadi labada sano iyo dheeraadka aheyd ee saldhigga ku meelgaarka ah ka dhigatay halkaas.

Waa midda ugu daranee, in rajada nabadeed iyo wada heshiisiinta ay u dhunto, dibna loogu noqdo colaadi, kala qeyb sanaanti, markaasoo ay isbaarooyinki u fududaanayaan ineey sii badiyaan ragga maanta hubka culus gacanta ugu jiro, kuna amar ku taagleeyaan ummadda maasaakiinta ah.

Muuse Suudi waa nin ay ka go’an tahay “waari meysidee war hakaa haro”, taariikhdiisa oo qeyba qeybo ahna waxay ku keydsan tahay bogagga Internetka Soomaaliyeed, kubaasoo isugu jira codkiisa iyo qoraalaba. Dhacdooyinka waaweyn ee lama illaawaanka ah ee loo nisbeeyana intooda badan asaga ayaa naf ahaantiisa caddeystay.

Taariikhda iyo wixi ay ka qortaba waa midaan la baajin Karine, dagaalkaas mala baajin karaa ? Yaase baajin kara ?

Qeybti ( II )

Taariikhdu waa ay xusi qofkastoo ka dhex muuqda ummaddiisa, sida jirtana Muuse Suudi Yalaxow waa uu ka dhex muuqdaa ummadda Soomaaliyeed. Waxaa lagu xasuusan doonaa hadaladiisa culculus e xag jirka ah iyo tallaabooyinki xoogga lahaa ee uu ku hakiyay dawladihi la’isku dayay in laga hirgeliyo magaala madaxda Somaaliyeed.

Waxaan shaki laheyn in uu Muuse Suudi Yalaxow ka geli bogagga hore taariikhda qarniga 21aad, mar uu ka hadlay afhayeenkiisi hore Dr. Culusow (Black), wuxuu yiri “ Muuse wax ma dhisee wax buu dummiyaa ”. Hadalkaas miisaanka leh meel cidla ah ma dhicin, sida hadda muuqatana, Xaajiga wuxuu ku guda jiraa sidi uu u dummin lahaa maamulka ka dhisan gobolka Banaadir, taasoo uu u arko haddii uu ku guuleysto inuu hubo burburinta dawladda Federaalka ee ku meel gaarka ah ee deggan Shabelaha Dhexe.

Ma’aha marki ugu horreeysay ee uu Muuse Suudi jallaafo u dhigo dawlad ama dad doonaaya ineey nidaam unkaan. Wuxuu qeyb Libaax ka ciyaaray dumminti dawladdi Cali Mahdi Maxamed, taasoo aad iyo aad loogu hanweynaa ineey ummadda ka tir-tirto diifti iyo dar xumadi ka soo gaartay xukuumaddi Maxamed Siyaad Barre.

Waxaa ku xigay dawladdi la’isugu tagay ee lagu dhisay magaalada Carta ee dalka aan walaalaha nahay ee Jabuuti, taasoo uu adeegsaday naf iyo maalba sidi ay ku dummi lahayd, aaqirkiina bacaadka ayeey afka la gashay.

Qeybti ( III )

Muuse Suudi Yalaxow wuxuu uga duwan yahay raggi ku soo biiray masraxa siyaasadda ama taariikhda Soomaaliyeed tan iyo goortii la riday xukuumaddi Siyaad Barre, fikradaha la yaabka leh ee xagjirka ah ee aan ku qotomin qabiilka. Illaa iyo haddana lama garan ujeedadiisa iyo halka uu beegsanaayo, waa nimmaan u rooneyn dadkiisa, deriskiisa iyo kuba ka fogba.
Inkasto uu la wadaago isbed-beddalka fikradeed ragga siyaasiinta isku sheega ama loo yaqaanno hoggaamiyayaasha intooda badan, haddana waxaad arkeysaa inuusan lahayn aragti dheer, taasoo iftiimisa biya dhiciisa, illaa iyo haddana lama garan hal beeggiisa.

Muuse waa ninkii garoonka diyaaradaha caalamiga ahaa ee Muqdisha dhagaxa ku daadiyay, waa ninkii general Ceydiid qabarkiisa keenay, degmada Madiina ka qaxiyay dadki aasaaskeeda lahaa, qaarna ay ku naf waayeen. Waxaa intaas sii dheer degmada Kaaraan oo ahayd xuddunti reerkiisa inuu u rogay goob aan leyku salaamin.

Taariikhda Muuse laguma haayo deeq ama gargaar uu u fidiyay goob waxbarasho ama caafimaad, waxaase badan oo lagu xasuusan doonaa qadooyin ii dhex ah uu bixiyay.

Qeybti ( IIII )

Taariikhda Muuse Suudi Yalaxow mabadna, haddana leyskama indha tiri karo maadaama uu ka muuqdo masraxiyadda siyaasadda cajaa ibta leh ee Soomaaliyeed, wuxuuna ku can baxay mucaaradnimo joogta ah.
Muuse wuxuu todobaatameeyadi ka xoogsan jiray suuqa Madiina, ka dibna wuxuu isu baddelay darawal, bartamihi sideetameyadi taasoo uu ku dhaqnaa tan iyo gunaanadki xukuumaddi Maxamed Siyaad Barre.

Sida la sheegay Muuse wuxuu u soo hoyday magaalada Muqdisho 15ki Oktoobar 1969, maalintaasoo ah maalinti ay dhuntay Dimuqraadiyaddi Soomaaliyeed. Waxaa iilka u hoyday Madaxweynihi ummadda mudane Cabdirishiid Cali Sharmarke, geesigi sida asluubta leheyd ugala wareegay xilka ummadda mudane Aadan Cabdulle Cismaan.

Waxgaradka Soomaaliyeed waxay ku tilmaameen bilowgii maalmaha qalloocan, Muusana wuxuu u muuqday mukulaashi madoobeyd ee mininka soo gashay, sida ay yiraahdaan reer Muqdisha “ MAQRIBTII MUKULAAL MADOW MININKAADA SOO GASHO MASIIBO KUUMA DHIMMANA “. Muuse wuxuu ku indha furtay maamul xoog iyo qoray ku shaqeeya, dadkoo la cabsiiyo, xurriyadda laga qaado, hantidooda oo lagala wareego iyadoo loo cuskanaayo sharciyo cusub oo isla maalintaas la soo arla geliyay.

Guud ahaan ummadda Soomaaliyeed, gaar ahaanna ummaddi ku dhaqneyd magaalada Muqdisho, hoog iyo ba’ugama horreeyn maalintaas, dad badanna waxeey isweydiiyeen, intee nagala soo galay.

Illaa iyo maantana su’aashi waa ay taagan tahay, waxaase marag ma doonta noqotay inuu Muuse masiiba la daba taagan yahay magaalada Muqdisho, muraayaddi waddankenna, maamulkasta oo loo sameeyana uu mucaarado. Kolki hore wuxuu cagta-cagta u saaray maamulki uu madaxa ka ahaa Dr. Xuseen Cali Axmed, maantana kii Dr. Cadde Xassan Cali Gaaboow.

Qeybti ( V )

Muuse Suudi Yalaxow wuxuu mudan yahay in lagu qoro buugga lagu magacaabo “GUINNESS WORLD RECORDS”, buuggaasoo lagu qoro dhacdooyinka ugu yaabka badan iyo dadki sameeyay.

Muuse wuxuu nasiib u yeeshay inuu noqdo Xildhibaan ka tirsan mudanayaasha Barlamaanka Federaalka Soomaaliyeed una dheer tahay Wasiirnimo asagoon wax aqoon ah laheyn amaba soo marin waxbarasho ceynkey noqotaba. Waa wax aan maangal aheyn haddana waa ay dhacday.

Waxaa marag madoonto noqotay in jagooyinkaas ay ku yaraadeed Muuse, uuna door biday inuu ku darsado Guddoomiyanimada gobolka Banaadir. Muuse wuxuu geed dheer iyo mid gaabanba u fuulay siduu ku hanan lahaa.

Muuse Suudi, asagoon taariikhdiisa dib u eegin ayuu garab ka doontay mudanayaasha kala ah Cali Mahdi iyo Cabdilqaasim Salaad, kubaas uu ka jallaafay dawladahoodi ku meel gaarka ahaa, kama eysan waalinnin, waxayna ugu soo hadal qabsadeen “USOO AROOR AADAN YABAAL ABAALNA KUUMA ERGANEE”.

Kadib wuxuu beegsaday rag ay ka mid yihiin Bashiir Raage, Ingineer Eenow iyo Cabdulqaadir Beebe, wuu ku hungoobay, wuxuuna kala kulmay diidada qeyixan. Waxay dhegtiisa ku dhibciyeen inuusan gobolka Banaadir u baahneyn laba maamul oo isbar-bar socda, dhibaata cusub iyo iska hor imaad dagaal.

Muuse Suudi asagoon quusan ayuu waajahay Ingineer Maxamed Xuseen Caddow, jawaabti la siiyayna waxay noqotay “XAAJI KABA KAA WAAWEYN, AADAN KU SOCON KARIN AYAAD ILLATAY”, gobolkuna maamul ayuu lee yahay, guddoomiyaha sharciga ahna waa Dr. Cadde ee shaqadi laguu soo xilsaaray ka fiirso.

Madaalaha, tii ugu darneyd wuxuu kala kulmay Mudane Shariif Xassan, guddoomiyaha Baarlamaanka, kaasoo ku yiri “XAAJI WAAD GUDUBTAYE, DIB USOO NOQO”, ereyadaas, Muuse ma’uusan ka helin, laakin wuxuu muujiyay nin qoyani biyo iskama dhowro, taasoo uu weli riyo maalmeedki uu ku dhex jiro.

Qeybti ( VI )

Muuse Suudi Yalaxow oo quus taagan ayaa Madiina Generaale u iftiimisay inuu Cabdilqaasim Salaad Xassan ka helaayo gargaar dhinac walba ah, laakinse uusan dooneynin inuu ka muuqdo masraxiyadda loogu ololeynaayo jallaafidda dowladda Federaalka Soomaaliyeed. Taasi ma’ahayn mid lala soo jeclaaday Muuse ee waxay ka dambeysay fashilaaddi ina Salaad Booy uga timid dhinaca Jubbooyinka iyo Shabeelaha Hoose, kubaasoo qoorshahiisa diiday, lana saftay dowladda Federaalka ah.
Muuse oo aanan fahmin sida arrimuhu isu daba marayaan, farxaddana ka badatay ayaa go’aansaday inuu howshiisa soo dedejiyo, Madiinana ugu abaal gudo u magacaabidda guddoomiyaha maamulka cusub ee gobolka Banaadir.

Sidi lagu yaqiinnay Muuse, ka fiirsasho la’aan ayuu u maalgeliyay sidi xaflad loogu sameyn lahaa soo bandhigidda qoorsha ka dhanka ah dowladdi uu ugu soo dhaartay magaca Ilaah.

Xafladdi oo dhacday 25ki Disembar 2005, waxaa si lama filaan ah uga dhinac muuqday Cabdilqaasim Salaad Xassan, kaasoo mar qura ummaddi Soomaaliyeed ku riday fajac, amakaag iyo wax laga naxo.
Inkastoo ay taariikhdu waxna ka tegeyn haddana Cabdilqaasin Salaad Xassan wuxuu ku baal noqday Muuse Suudi Yalaxow, wuxuunna muteystay in aqoontiisa wax laga sheego iyo falka gurracan oo aanan laga fileyn nin lagu tilmaami karo waxgarad aqoon leh.

Qeybti ( VII )

Muuse Suudi Yalaxow oo aanan xirfad u lahayn siyaasadda, nasiib darrana u dheer tahay, uu aqrin karin haddii uu ka faa iideysan lahaa war-sidayaasha iyo bogagga Internet-ka wixi dhacdooyin, digniin, guubaabo, talo iyo wixi la mid ahba ay qoraan Soomaali weynta isugu jirta aqoon-yahanno, culumaa uddiin, siyaasiyiin, waxgarad da'walba leh, kana kooban rag iyo dumar. Muuse waxaa intaa u dheer xaq darro ka indha iyo dhaga tirtay hagardaamada lala raadinaayay.

Muuse Suudi wuxuu sannadka 2006da ugu dhashay waji gabax iyo goob cidla’ah, wey u noqon weeyday sidi uu rabay iyo si u dhowba, dadki uu xaq darrada ku aaminay, kana doorbiday dadkiisi ayaa ugu jawaabay Xaaji xoolaha waa leysla jiray waana lakala jirtay ee qeybtaada bal meesha ka deydeyo, ka dib markey sufur ku ogaadeen. Waxaa herta cad si abaal marin ah dhulka ula dhacay ina Salaad Booy ka dibna si aan abid la maqal ugu digtay ina Qanyare.

Muuse Suudi Yalaxow oo aanan wanaag meelna dhigan, umaddana ka dheregsan tahay ninka uu yahay, mooryaanti uu ku hanjabi jrayna ay ku gadooddaay, goob cila ahana uga dhaqaaqay, gaba-gabadi taariikh nololeedkiisana ku jiro ayaanan la ogeyn gunaanadkiisa.

Waxay dad badan isweydiinayaan ma asagaa iska taqalusi doona mise ragga ay siyaasadda isaga hor yimaadeen ayaa u dheereyn doona. Halka dadka qaarkiis ay leeyihiin mawaxaa looga aargudi doonaa dadki uu laayay mise kubi uu sigay.

Dadka qaarbaaba leh ma dawladda Federaalka ah ayaa maxkamad soo saari doonta mise Interpol ayaa gacanta ku dhigi doonto oo horkeni maxkamadda Heig. Waxaase looga baqaa in dawladda Mareyka la wareegto oo Guantanamo Bey laga sheego.

Sidey noqotaba taariikhda ayaa meel ku sheegi doonta.

Cariif Samaale

Editorial@radiofreesomalia.com

bloody
 
 Jeneral Adan Cabdilaahi Nuur ( Gabyow) waxa uu ku dhashay magalada Madogaashe ee gobolka Waqooyiga bari ee dalka Kenya.

Waxa uu askarinimada qortay 1947-dii xiligaasoo uu ku biiray ciidamadii la oran jiray KAR King African Rifle oo Ingiriisku uu lahaa , Batalyanka sadaxaad. Dhibowgana waxa uu kaga baxay Magaalada Jinja ee caasimada labaad ee dalka Uganda.

Isla sanadkii uu dhibowga dhameystey, waxaa loo qaaday magaalada Jigjiga oo ciidamadii KAR ay xaruntoodu ahayd.

Jigjiga ka dib waxaa loo soo badalay magaalada Kismaayo 1950-kii markii dowlada Ingiriisku ay koonfurta Soomaliya ku wareejisay Talyaaniga. Addan gabyow waxa uu ka mid ahaa Cutubkii ugu dambeeyay ee laga soo qaado magaalada Kismaayo. Waxaana lo soo wareejiyay magaalada Yanyuki ee dalka kenya.

1951-dii waxa uu ka mid ahaa ciidamadii Ingiriiska ee ka dagaalamay Dalka Kuuriya. 1952-dii waxaa lagu soo celiyay dalka Kenya.

Isla Sanadkaasi 1952-dii markii uu dhintay King Goerge-kii England adan gabyow waxa uu ka mid ahaa ciidamadii Africaanka ee loo qadaay caleemo saarkii Boqorada Queen Elezabeth waxa uuna ka mid ahaa askartii Kenya ka socotay.

Subaxaasi boqorada la boqrayay Adan Gabyow Allaha u naxariistee waxa uu ka mid ahaa ciidamadii ku horgaardiYay Boqarada waxa uuna safka ugu hore kaga jiray gardigaasi loo samaynayay caleemo saarkii Queen Elizabeth darajadiisuna waxau ahay Sajin Major.

1953-dii waxa uu macalain tawabare meleteri ah ka noqday xerada meleteriga ee Lanet ee ku taala magaalada Nakuru ee dalkan Kenya oo markaasi ahay xarunta Tawabarada ee wadamada Bariga Africa.

1954-tii waxa lagu celiyay Batalyankiisii ama guutidiisii KAR oo markaasi dagaal kula Jirtay Jabhadii Maw Maw-ga ee Kenya xornimada u raadinaysay .

Jeneraal Aadan Cabdullaahi Nuur Gabyow, Allaha-u-Naxariistee waxa uu Soomaaliya soo galay sannadkii 1970-kii isagoo ka soo baxsaday maamulka dalka Kenya halkaasoo la sheegay in uu ka ahaa Gaashaanle ciidamada ka tirsan.

Isla markii uu soo galay dalka waxaa masuul looga dhigay xero markaasi cusbayd oo la dhihi jiray Bootiko, kaddibna loo bixiyey Xerada Tababarka Xalane, halkasoo uu darajada Gaashaanle Sare ku qaatay sannadkii 1976-kii, waxana uu joogay Xalane ilaa sannadkii 1979-kii.

Laakiin, markii la aasaasay Xisbigii Hantiwadaagga Kacaanka Soomaaliyeed sannadkii 1976-dii ayuu Allaha-u-Naxariistee Jeneraal Aadan Gabyow waxa uu ka noqday xubin muhiim ah oo ka tirsan golihii dhexe ee xisbigaasi oo ahaa midkii keliya ee jiray isla markaana talada dalka hayey.

Sannadkii 1979-kii waxa uu General Gabyow qaatay darajada Jeneraalnimada, waxaana laga dhigay wasiirka ku xigeenka Wasaaradda Gaashaandhigga. Sannadkii 1986, ayuu misana waxa uu noqday wasiirka wasaaradda Gaashaandhigga.

Laakiin, isla sannadkii xigay ee 1987-dii waxa uu khilaaf soo kala dhex galay isaga iyo madaxweyhinii dalka, taasoo keentay in laga qaado wasaaraddii gaashaandhigga ee xogga badnayd isla markaana loo dhiibo wasaaradda Dalxiiska oo iyadu markaasi loo arkayey in lagu asturo siyaasigii laga xishoonayo isla markaana aan loo haynin jago muhiim ah, dabadeedna waxaa looga sii gudbiyey wasaaradda madaxtooyada oo ayadu lahayd dhowr wasiir oo aan wasaarado lahayn.

Khilaafkii Jeneraal Gabyow iyo madaxweynaha ayaa soo xoogeystay, waxayna taasi keentay in la xiro Jeneraal Gabyow sannadkii 1989-kii, laakiin maaddaama aysan dowladdu xilligaasi ku taagnayn lugo xoog leh ayaa waxaa durbaba Jeneraal Gabyow cafis loo fideyey isla markii uu billowday Kacdoonkii Muqdisho horraantii bishii Jenaayo ee sannadkii 1991.

Allaha-u-Naxariistee Jeneraal Gabyow siyaasadda intaasi kagama harin ee waxa uu durbaba noqday guddoomiyaha garab ka mid ah garabyada ururkii SPM.

Jeneraal Gabyow waxa uu misana taxaaluf siyaasadeed la yeeshay Cali Mahdi Maxamed oo markaasi hoggaaminayey rag kaloo badan oo dhammaandoona ka soo wada horjeeday Jeneral Caydiid, waxayna shirkii Addis Ababa ee sannadkii 1993-kii uga qeybgaleen iyagoo la yiraado ururrada 12-ka ah.

Sida uu Cali Mahdi Maxamed ii sheegay Jeneraal Aadan Gabyow waxa uu ahaa nin xagga siyaasadda mar kasta ay ula janjeertay dhinaca dib u heshiisiinta iyo dib u soo noolaynta Soomaaliya.

Sannadkii 1995-tii waxa uu Jeneraal Gabyow ka mid noqday ururro ku bahoobay magaca SSA oo 13 urur ahaa oo uuna guddoominayey Cali Mahdi Maxamed, waxuuna Jeneraal Gabyow ka qeybgalay shirkii Soodare ee Itoobiya iyo weliba kii Qaahira ee sannadkii 1997-dii kaasoo ay isaga iyo Colonel Cabdullaahi Yuusuf isaga baxeen.

Xilligaasi kaddib, Jeneraal Gabyow waxa uu muddo dheer joogay dalka Itoobiya, isagoo misana mucaaraday shirkii dalka Djibouti ee lagu soo dhisay dowladda KMG ah, wuxuuna dabadeed ka mid noqday guddoonka wareegga ah ee ururka SRRC-da ee lagu soo dhisay dalka Itoobiya, sannadkii 2001.

Ilaa intii uu billowday shirka hadda kooxaha Soomaalida uga socda dalka Kenya, waxa uu Cali Mahdi ii sheegay in uu Jeneraal Gabyow door muhiim ah ka ciyaaray isu soo dhoweynta dadka gaar ahaanna intii la joogay magaalada Eldoret, xilligaaso xitaa mar loo doortay guddoomiyennimada shirka.

Geerida Allaha-u-Naxariistii Jeneraal Aadan Cabdullaahi Nuur Gabyow waxa ay tirada hal ka dhimaysaa ragga ay weli tiradoodu soo kordhayso ee hadda u sharraxan madaxweynennimada Soomaaliya ee shirka Soomaalida ee Kenya, waxaana weliba si weyn mar kasta loogu xusuusan doonaa hadalladiisii aanay dhagarta ku jirin ee uu masraxyada siyaasadda dadka ka hor dhihi jiray. Jeneraal Aadan Gabow, Allaha-u-Naxariisto.
 
Taariikhda C/raxmaan Tuur 

 

Taariikh nololeedkii Cabdiraxman Tuur oo geeriyoodey

Axmed Siciid Cige - BBCSomali.Com

Cabdiraxman Axmed Cali oo loo yaqaaney Cabdiraxman Tuur ahaana siyaasi weyn oo Soomaaliyeed, jagooyin badanna ka soo qabtey Soomaaliya iyo Somaliland ayaa bsihan November 8dii ku geeriyoodey magaalada London.

Allaha u naxariistee, Cabdiraxmaan Axmed Cali (Tuur) wuxuu ku dhashay miyiga hawdka magaalada Burco, qiyaastii sida dad yaqaannay ay BBC-da u sheegeen, kun sagaal boqol iyo dhawr iyo labaatankii.

Walaalkii Maxamuud Axmed Cali oo ahaa aabihii waxbarashada Soomaaliyeed ayaa Cabdiraxmaan ka soo kaxeeyay miyiga oo ku daray dugsiga, iyagoo isku fasal noqday rag kale oo uu ugu magic dheeraa Maxamed Xaaji Ibraahim Cigaal.

Waqtigaasi wuxuu ku aaddanaa 1943kii ayuu Cabdiraxman ku biirey dugsiga caanka ah ee sheekh. Wuxuu ahaa Cabdiraxmaan Axmed Cali arday ku fiicn waxbarashada iyo ispoortigaba oo marnaba aan laga qaadi jirin kaalinta kowaad.

Cabdiraxmaan Axmed Cali alla ha u naxariistee markii uu dhammeystay waxbarashadiisii dugsiga dhexe ee sheekh wuxuu waxbarashadii dugsiga sare ku soo dhammeystay dugsi sare oo la yidhaahdo XANTUUB oo ku yaalla dalka Sudan, magaalada Khartuum.

Wuxuu kadib diploma sare oo ah cilmiga maamulka ku soo qaatay jaamicadda la yidhaahdo EXETER UNIVERSITY ee dalka Britain. Somaliland ayuu Cabdiraxmaan ku soo laabtay wuxuuna noqday kaaliyaha DC-ga Boorama oo ahayd shaqadiisii ugu horreysay.

Sanooyinkii 1961-1963kii wuxuu noqdey Guddoomiyaha Gobolka woqooyi Bari ee magaalo madaxda ay u ahayd Burco ee Jamhuuriyaddii Soomaaliya. Sanadkii 1964kii wuxuu kaloo noqday Guddoomiyaha Gobolkii Woqooyi Galbeed ee Hargeysa ay magaalo madaxda u ahayd ee Jaamhuuriyaddii Soomaaliya, iyadoo isla sannadkaasi uu noqday Safiirkii Soomaaliya ee Sudan oo loo beddelay Khartuum.

Sanadkii 1968kii Cabdiraxmaan Axmed Cali wuxuu ka qayb galay doorashadii baarlamaanka ee Soomaaliya isagoo furtay xisbi oo iska soo sharaxay magaalada Burco, laakiin kumuu soo bixin doorashadii.

Cabdiraxmaan wuxuu mar kale ku noqday shaqadiisii Safiirnnimada isagoo mudadii u dhaxeysay 1969kii ilaa iyo 1977kii uu ahaa safiirka Soomaaliya ee Addis-ababa ee dalka Ethiopia .

Sanadkii 1978kii wuxuu kaloo noqday safiirkii Soomaaliya ee Barlin ee Jarmalkii Bari, isagoo markii danbena noqday Danjiraha Somaliya ee Imaaraadka Carabta oo uu joogay ilaa iyo 1984kii, xilligaasi oo uu ka goostay dawladdii Siyaad Bare kuna biiray Jabhaddii SNM.

Cabraxmaan Tuur isla sannadkaasi 1984kii wuxuu noqday wakiilka SNM ee Yurub oo fadhigiisuna ahaa London. April 1990kii waxaa loo doortay Cabdiraxmaan Axmed Cali Guddoomiyaha SNM isagoo xilka kala wareegay Axmed Siilaanyo.

May 1991kii waxaa Cabdiraxmaan Tuur loogu doortay shirweynihii beelaha Somaliland ee Burco ee lagaga dhawaaqay goonni isu taagga Somaliland inuu ahaado madaxweynaha cusub ee Jamhuuriyadda loo bixiyay Somaliland muddo labo sano ah.

Shantii May 1993kii shirweynihii kale ee beelaha Somaliland ee lagu qabtay Boorama waxaa Cabdiraxmaan Tuur uu xilkii ku wareejiyay Maxamed Xaaji Ibraahim Cigaal oo shirku u doortay madaxweynaha Somaliland.

April 1994kii Cabdiraxmaan Axmed Cali wuxuu ku dhawaaqay isagoo markaa ahaa guddoomiyaha SNM inuu ka noqday mowqifkii goonni isutaagga Somaliland oo uu aaminsanyahay nidaamka Federaalka oo ay ku midoobaan woqooyiga iyo koonfurta Soomaaliya .

Wuxuu noqday Cabdiraxmaan Tuur waqtigaasi ka dib madaxweyne ku-xigeenkii kowaad ee dawladdii Salballaadh ee uu Jeneraal Maxamed Faarax Caydiid kaga dhawaaqay magaalada Muqdisho.

Waqtigaasi wixii ka danbeeyay wuxuu marxuumku u badnaa magaalooyinka Muqdisho iyo London, hase ahaatee wuxuu Hargeysa yimid bishii April ee sannadkan 2003, markaasoo uu u ololeeyay sidii uu u soo
bixi lahaa doorashadii socotay madaxweyne Daahir Rayaale Kaahin oo ka sharaxnaa xisbiga UDUB, kadibna wuxuu ku laabtay magaalada London oo uu ku geeriyooday 8dii November 2003.

Alla ha u naxariistee maydka marxuumka waxaa la keenayaa magaalada Hargeysa 13ka November 2003 oo si heer qaran ah loogu aasi doono.

TAARIIKH-NOLOLEEDKA MADAXWEYNAHA SOOMAALIYA MD. CABDULLAAHI YUUSUF AXMED
- Sunday, October 10, 2004 at 22:06
  

10/10/04

Madaxweynaha Dawlada Federaalka Soomaaliya Mudane Cabdullaahi Yusuf Axmed

  1. Waxa uu ku dhashay Gaalkacyo, Puntland – Somaaliya  bishii Diseenbar 1934 kii.

  2. Waxaa u dhaxda marwo Xaawa Abdi Samatar oo ay isu dhaleen afar caruur ah: Maxamed, Maryan, Khadiija iyo Axmed

 WAXBARASHADA

  1. 1954-1957 Kulliyadda Tababarka Saraakiisha, Italy.

  2. 1965-1968 Kuliyadda Dagaalka (Staff & Command), Midowgii Soofiyeeti ee hore.

  3. 1977- Ku biiray Kuliyadda Sharciga – Jaamacadda Ummadda Soomaaliyeed.

  4. Haysta  billad-geesiyo iyo kuwo hoggaan.

SIYAASADDA IYO MILATARIGA

  1. Gaashaanle Sare - Ciidamda Xoogga Dalka Soomaaliyeed.

  2. Madaxa xafiiska shaqaalaha iyo tababarada ee Xoogga Dalka Soomaaliyeed.

  3. Wuxuu ka horyimid af-ganbigii milatari ee Maxamed Siyaad Barre dalka ku qabsaday 1969-kii wuxuuna ku mutaystay lix sano oo xarig ah.

  4. 1977-kii Dagaalkii Ogaadeen kadib waxa uu kamid ahaa saraakiil  damacday in ay xukunka ka tuuraan xukuumaddii Barre.

  5. 1978- kii  Waxa uu Itoobiya ka aas-aasay jabhaddii SSDF.

  6. 1985-kii Waxaa xiray taliskii Mengistu Haile Marian kadib markii uu ka horyimid sheegashada Itoobiyaa dhulkii ay jabhaddu xoraysay.

  7. 1991-kii waxa uu dib u  habeeyay Jabhaddii SSDF kadib markii laga soo siidaayay xarigii Itoobiya.

  8. 1991-Waxa uu madax ka noqdaya guddigii xaaladda deg-degga ee goballadii Waqooyi Bari (Bari, Nugaal iyo Mudug) oo hadda iyada oo ay ku biireen Sool, Sanaag iyo Cayn loo yaqaano Puntland.  Guddigu waxa uu mas’uul ka ahaa difaaca dalka ee colaadaha sokeeye.

  9. 1996-1997-kii Waxa uu kamid noqday guddoomiyayaashii wareega ahaa ee Golaha Badbaadada Qaranka (Sodare)

  10. 1998-kii waxaa loo doortay madaxweeynaha xukuumaddii koowaad ee Dawlad–Gobaleedka Puntland

  11. Waxa uu xiriir aad u wacan la leeyahay madaxda dawladaha dariska ah ee Itoobiya iyo Keenaya iyo waliba Yaman

  12. Saamayn wayn iyo qadarin qoto dheer ayuu ku leeyahay Soomaaliya iyo dibaddaba

ARAGTIDIISA SOOMALIYA

 

  1. Dawlad Federaal ah oo ay awoodda leeyihiin goballadu

  2. Ganacsiga suuqa xorta ah

  3. Nabad ku wada noolaansho wadamada dariska ah ee Geeska Afrika

  4. Xiriir adag oo uu la yeesho wadamda Galbeedka

MABAADII’DA, IYO QAAB NOLOLEEDKIISA LIFE

  1. Waa nin dhamaystiran, lehna mabaa’di siyaasadeed oo aan is bad-badal lahayn

  2.  Waa hogaamiye si wayn uga soo horjeedda wax is-daba marinta iyo danaha shakhsiga

  3. Waa shakhsiyad aan balwad lahayn, hadday ahana lahayd sigaar, qaad iyo dhamaan noocyada kale ee balwadda

Taariikh Nololeed (Curriculum Vitae)

Madaxweynaha Midnimada iyo nabadda Dr. Cabdidqaasim Salaad Xasan

 Magaca:                                             Dr. Cabdiqassim Salaad Xassan

Meesha iyo Dhalashada:              Dusa Mareb, 1942

Jinsiyadda:                                        Somali

Xaaladda Qoys:                          Xaas iyo Caruur

 Waxbarasho:                                           

 1959-60                                             Tababar Farsamo, Machadka Maamulka, Cairo

1960-64                                             Shahaado Jaamacad, Seynis Dabiici, Jaamacadda Dowladda Moscow (Moscow State University)

1964-65                                             Shahaado Takhasus, Jaamacadda Dowladda Moscow

1967-68                                             Shahaado, Machadka Maamulka iyo Maareynta, (SIPA)

Bare Jaamacadeed ee Waqti kooban, Istatuutada Jaamacadda Soomaaliya, ka dibna noqotay Jaamacadda Ummadda Soomaaliya.

 

Waayo Aragnino:                             

 

2000- Xilligan:            Madaxweyne, Dawladda KMG ee Soomaaliya

1990-91:                                            Ku Xigeenka Raiisal Wasaaraha ahna Wasiirka Arrimaha Gudaha

1989-89:                                            Wasiirka Ganacsiga

1988-89:                                            Wasiir, Xaafiiska Madaxweynaha

1985-87:                                            Wasiirka Howlaha Guud

1982-83:                                            Wasiirka Shaqada iyo Arrimaha Bulshada

1981-82:                                            Wasiirka Tacliinta Sare

1980-81:                                            Guddoomiyaha, Guddiga Arrimha Dibadda ee Baarlamaanka

1977-79:                                            Wasiirka Dhalinyarada iyo Isboortiga

1976-77:                                            Wasiirka Warfaafinta

1973-76:                                            Wasiirka Warshadaha

1971-72                                             Maareeyaha Guud, Cuntada Degdegga ah (Crash Programme)

1968-69                                             Bare, Dugsiga Sare Dhagaxtuur

1966-68:                                            Madaxa, Cilmi Baarista Beeraha

 Xirfadda Luqadaha 

 Ingiriis                                                

Talyaani                                                         

Carabi                                               

Ruush                                    

Fransiis                                 

 Qoraallo:

 Qoraallo kale duwan:                        Cilmiga Beeraha, Taariikhda Soomaaliya iyo Siyaasadda

 Fiiro Gaar Ah

 Mudane, Dr. Cabdiqassim Salaad Xasan wuxuu joogay Soomaaliya muddo badan intii dagaalka sokeeye jiray.  Muddadaas dhibka badneyd, Mudane, Dr. Xasan wuxuu u istaagay in uu gacan ka geysto dib u heshiisiinta kooxihii kale duwanaa ee dalka ku dagaalamayey.  Wuxuu hantay kalsoonida ummadda Soomaaliyeed oo ay ka mid ahaayeen odayaal dhaqameedka, ururada bulshada iyo hogaamiye kooxeedka.  Taasi waxay keentay in badan oo ka mid ah bulshada Soomaaliyeed ay ku qanciyeen Mudane Cabdiqaasim in uu isku sharaxo madaxnimada Soomaaliya shirkii lagu qabtay Carta, dalka Jabuuti, 2000, taas oo uu si fudud ugu adkaaday Madaxweynanimada Ummadda Soomaaliyeed.  Mudane Cabdiqaasim wuxuu mar kale u taagan yahay jagada Madaxweynaha Soomaaliya, doorashada lagu qabanayo, Nairobi, Kenya, si uu u dhameystiro dib u heshiisiintii uu bilaabay iyo barjaamijkii dhaqaalaha, bulshada iyo horumarka Soomaaliya.

Cabdi qaasin waxaa kala wareegay madan tinimadii C/alaahi yuusuf ahmed oo ku soo baxay doorashdii cusbay ee dhacay 10/10/04

Maxamed Ibraahim Cigaal oo geeriyooday
Marxuum Maxamed Xaaji Ibraahim Cigaal.
Marxuum Maxamed Xaaji Ibraahim Cigaal.
Axmed Siciid Cige- London

Waxaa maanta magaalada Pretoria ku geeriyooday, Madaxweynaha Somaliland, Maxamed Xaaji Ibraahim Cigaal.

Maxamed Ibraahim Cigaal oo ay da'diisu tahay ku dhowaad siddeetan sano, waxaa uu Soomaaliya ka soo noqday Ra'iisal Wasaare lixdamaadkii.
Warkan waxaa BBC-da u xaqiijiyay Wasiirka warfaafinta ee Somaliland Cabdullahi Maxamed Ducaale

Cigaal waxaa lagu tilmaami karaa siyaasiyiinta Soomaaliyed ee xilalkiisa oo kale qabtay kii ugu wakhtiga dheeraa nolosha siyaasadda.

Maxamed Xaaji Ibraahim Cigaal wuxuu ku dhashay sanadkii 1929- kii degmada Odweyne ee gobolka Togdheer.

Yaraantiisii waxuu ku barbaaray magaalooyinka Burco, Berbera iyo Sheekh, oo uu ku dhameystay waxbarashadiisii malcaamadda qur'aanka ilaa iyo dugsiga Sheekh.

Warbarasha sare ayuu u tegay oo la xiriirta xagga ganacsiga magaalada London, ee waddanka Britain, waxaana uu dalka dib ugu laabtay, horaantii sanadihii kontomeeyadii oo xilligaasi ay aloosnayd dabeyshii xornima-doonka xisbigii SNL.

Sanadkii 1956-dii Allaha U Naxariistee Maxamed Xaji Ibraahim Cigaal waxaa loo doortay in uu noqdo xooghayihii guud ee xisbiga SNL, ee u halgamaayey xornimadii Soomaali-Land.


Madaxweyne Maxamed Xaaji Ibraahim Cigaal

Bishii Feberwari, sanadkii 1960-kii, Allaha U Naxariistee Maxamed Ibraahim Cigaal, waxuu gacantiisa ku soo saxiixay, in Soomaali-Land ay xornimadeeda ka qaadato Dowladda Ingriiska taariikhdu markeey tahay 26-ka Juun ee sanadka 1960-ka.

Markaasi waxaa Cigaal ku wehliyay heshiiskaas, rag ay ka mid ahaayeen Cali Garaad Jaamac, Xaaji Ibraahim Nuur, Axmed Keyse Ducaale, iyo Maxamuud Cabdi Carraale.

Maxamed Xaaji Ibraahim Cigaal Alaha U naxariistee waxuu noqday hogaamiyihii u horeeyey ee Soomaali-land, kadib markey xornimadeeda gaartay 26-kii Juun sanadkii 1960-kii.

1-dii July 1960-kii markii gobollaada koofureed ee Soomaaliya ay iyana xornimadoodii ka qaateen dowladda Talyaaniga ee ay dhalatay jamhuuriyadda Soomaaliya, Maxamed Xaaji Ibraahim Cigaal oo hogaaminaayey wafdigii ka socday Soomaali-land wuxuu noqday wasiirkii gaashaandhigga ee ugu horeeyey Soomaaliya.

Maxamed Xaaji Ibraahim Cigaal waxuu kaluu noqday wasiirka tacliinta ee Soomaaliya 1963-dii ilaa iyo 1964-tii, hase yeeshee wuu iska casilay gollihii wasiirrada ee sanadkaasi, isagoo hogaamiye ka noqday xisbi mucaarad ahaa oo la oran jiray SNC,markii dambena wuxuu ku biiray Cigaal xisbigii SYL.

10-kii July 1967-dii, wuxuu noqday Cigaal ra'iisul-wasaaraha Soomaaliya, markii Cabdirashiid Cali Sharma'arke loo doortay xiligaasi madaxweynihii Soomaaliya.

Cigaal mar kale ayaa loo doortay jagadaasi ra'iisul-wasaaraha doorashooyinkii 1969-kii .

21 Oktoobar 1969-kii markii inqilaabka milatari oo uu hogaaminayey Maxamed Siyad Barre, uu ka dhacay Soomaaliya, Maxamed Ibraahim Cigaal waxuu ahaa Ra'iisul wasaarihii ugu dambeeyey ee dowlad soomaaliyeed oo la doorto, waana la xiray, wuxuuna Cigaal Xabsiga ku jiray ilaa iyo 1981-dii bishii February, marka laga reebo muddo sanad ka yarayd oo ahayd 1975-tii ilaa iyo 1976-dii, oo mar loo agacaabay Danjiraha Soomaliya u fadhiya New-Delhi ee dalka Hindiya, kadibna islamarkiiba xabsiga ayaa lagu celiyey.

1985-tii waxaa jirtay mar loo magacaabay Cigaal guddoomiyaha Rugta Ganacsiga, laakiin kumuu raagin jagadaasi, ee wuu iska casilay markiiba.

Burburkii dowladdii Soomaaliya ka dib, Cigaal wuxuu ka qeyb galay sanadkii 1991-dii, shirkii dib-u-heshiisiinta ee Soomaaliya ee Jabuuti, 1993-dii bishii May 5-teedii Cigaal waxaa loo doortay Madaxweynaha Soomaali-land, iyadoo jagadaasi dib hadana loogu doortay sanadkii 1997-dii.

Maxamed Xaaji Ibraahim Cigaal wuxuu todobaadkii hore daweeyn u tagay dalka Koonfurta Afrika iyadoo ay wehliso marwadiisa Kaltuun Xaaji Daahir iyo xubno ka tirsan golaha wasiirada ee Soomaali-Land.

Maxamed Xaji Ibraahim Cigaal Allaha U Naxariistee, wuxuu guursaday intii uu noolaa shan dumar ah, wuxuuna dhalay shan caruur ah oo kala ah sadex wiil iyo laba gabdhood, oo intaba ay u dhashay Marwo Caasha Saciid Caabi.

Edit Text

Ra'iisul wasaaraha cusub, Cali Maxamed Geeddi
Ra'iisul wasaaraha cusub, Cali Maxamed Geeddi
Ra'iisul wasaaraha Cusub ee Soomaaliya, prof Cali Maxamed Geeddi, wuxuu ku dhashay magaalada Muqdisho sanadkii 1952-dii.

Aabihii wuxuu ahaa sarkaal ka tirsan ciidamada military-ga Soomaaliyda.

Wuxuu ra'iisul wasaaruhu waxbarashadiisa hoose, dhexe, sare iyo Jaamacadeedba ku qaatay isla magaalada Muqdisho, isagoo Jaamacaada Ummadda Soomaaliyeed kuliyadda daawada iyo xanaanada xoolaha ka baxay sanadkii 1978-dii, wuxuu kaloo wax ku bartay Jaamacadda Pisa ee dalka Talyaaniga, oo uu ka qaatay shahaadada Phd.

Howlaha uu soo qabtay

Wuxuu macalin ka ahaa sanadkii 1983 ilaa 1990 Jaamcadda ummadda Soomaaliyeed kuliyadda daawada iyo xanaanad xoolaha.

Wuxuu ilaa labadii kun iyo sadexdii la soo shaqeeyay Xafiiska Africa ee khayraadka xoolaha oo hoos taga ururka Midowga Africa, wuxuu mar noqday sarkaal laga tashado ganacsiga xoolaha iyo suuqgaynta ee xafiiska aan soo sheegnay, xaruntiisuna ahayd magaalada Nairobi ee Kenya.

Wuxuu sanadkii 1997-dii ahaa sarkaalka suuqgaynta u qaabilsan Shirkadaha ganacsi ee Dayax iyo Ramadan oo ka shaqaynayay Muqdisho, Djibouti iyo Bujumbura (burundi).
Madaxwaynaha iyo ra'iisul wasaaraha
Madaxwaynaha iyo ra'iisul wasaaraha

Mudane Cali Maxamed Geeddi, wuxuu ka qaybgalay shirar dib u heshiisiin Soomaaliyeed oo lagu qabtay gudaha dalka iyo dibadiisaba, waxaa ka mid ahaa shirkii 1997-dii hogaamiyayaasha siyaasadda Soomaalida ee lagu qabtay magaalada Qaahira oo uu ka ahaa la taliye.

Geddi's profile in English

Wuxuu xoghaye guud ka ahaa shirkii nabadda iyo dib u heshiisiinta ee bulshada ku dhaqan gobolada dhexe iyo kuwa koonfureed ee Soomaaliya oo 1998-dii ilaa 1999-kii ka dhacay magaalada Beledwayn ee gobolka Hiiraan.

Wuxuu ka qaybgalay ama abaabulay siminaaro iyo aqoon iswaydaarsiyo kala duwan oo ku saabsan dib u soo celinta nabadda iyo xasiloonida Soomaaliya iyo gaar ahaan magaalada Muqdisho

Wuxuu 1994 ilaa 1996-dii ahaa guddoomiyaha Daladda NGO-yada Soomaaliya oo xarunteedu ahayd magaalada Muqdisho. 1992 ilaa 1994, wuxuu guddoominayay ururka Dhaqaatiirta Xannaanada xoolaha ee Shabeelaha Hoose oo Jowhar saldhigeedu ahaa.

Wuxuu daabacay qoraallo shan ka badan oo intooda badan quseeya xanaanada xoolaha iyo beeraha.

Cabdullaahi Axmed Cadow wuxuu soo maray heerar kala duwan.

Danjire Cadow wuxuu soo qabtay jagooyin u dhexeeya askari ilaa jago wasiir oo uu ku soo qaatay inta badan waqtigiisa, gaar ahaan intii u dhaxeysay 1957 ilaa1990.

1965 wuxuu soo noqday agaasimaha guud ee wasaarada maaliyadda ee Jamhuuradda Soomaaliya. Sidoo kale wuxuu waqtigan loo magacaabay in uu noqdo guddoomiyaha bankiga.

Markii uu dhashay maamulki militariga ahaa ee uu hor kacayay Jen. Max'ed Siyaad Barre, waxaa durbadiiba loo magacaabay safiirka dowladda Soomaaliya u fadhiyo dalalka Mareykanka iyo Canada.

Kadib waxaa la soo badalay oo laga dhigay wasiirka maaliyadda, ayadoo uu xilkani haayay muddo afar sano iyo bar ah.

Dr. Cabdullaahi Axmed Cadow waxaa loo badalay in uu noqdo wasiirka madaxtooyada ee qaabilsan arrimaha dhaqaalaha.

Markii uu arkay maamulkii Max'ed Siyaad in siyaasadda dowladooda ay ka wiiqantan dhanka magaalooyinka Washinton iyo Ontoria, waxaa mar kale lagu soo celiyay mudane Cadow jagada safiirnamadiisii labadan magaalo.

Markii ugu dambeysay Cabdullaahi Cadow wuxuu ahaa wasiirka madaxtooyada ee arrimaha dhaqaalaha.

yaan ku dilin
Waxaad ka qabto ii soo sheeg badhan6@hotmail.com
 

maxanew.jpg
By Maxamed C/laahi Cali Tiriig
 
buuga.gifSaxiix buuga martida